Kontzeptu garrantzitsuak argitzen

Oinarrizko kontzeptu batzuk argitu behar ditugu droguen kontsumoari buruz:

“Droga” honela defini dezakegu: gorputzean barneratzean bertako funtzioak (jokaerari, adimenari, portaerari, pertzepzioari, umoreari eta errendimendu fisiko eta psikologikoari eragiten diotenak) eraldatzeko gai den substantzia kimikoa, natural edo sintetikoa.
Drogen erabilerak kontuan hartu beharreko zenbait fenomeno sortu ditzake:

Tolerantzia: Gorputza drogaren presentziara egokitzen doa gutxinaka eta progresiboki, eta lortu nahi diren efektuak lortzeko behar den substantzia kantitatea gero eta handiagoa bihurtzen da.

Menpekotasuna: Pertsonak droga egunero hartu behar du abstinentziaren sintomak saihesteko, eta horrela, eguneroko bizitzari aurre egiteko.