Drogen kontsumoak gaixo mentalengan dituen ondorioak

Substantzia toxikoen gehiegizko erabilerak gaixo mentalengan ondorio larriak dakartza:

- Gaixo hauek gehiagotan erabiltzen dituzte osasun-zerbitzuak honako arrazoiengatik:
- Gaixotasunean behin eta berriz erortzea, ospitaleratze-aldiak handituz.
- Ospitaleko egonaldiak ohi baino luzeagoak dira.

Sintomen agerpenari dagokionez:
- Norbere buruaz beste egiteko saiakeren eta jokaera bortitzak handitzea.
- Sintoma ugariren agerpena, diagnostikoa eta tratamendua zailtzen dutenak.
- Nortasun nahasteen tasa altua.
- Patologia mediko kopuruaren igoera.
- GIB birusaz kutsatzeko eta sexu-transmisiozko gaixotasunak izateko
arriskura daramaten jokabideak hartzeko aukera handiagoa.
- Jokabide kriminal eta bortitzagatik lege-arazoak izateko arrisku
handiagoa.
- Psikosiaren hastapen goiztiarra.

Gaixoek tratamenduaren aurrean erantzuteko duten moduari buruz hau esan
dezaket:
- Tratamenduaren jarraipen eskasa egin ohi dute.
- Tratamenduari erantzun eskasa ematen diote, hau da, tratamendu
antipsikotikoarekiko immunitatea jasaten dute.
- Alkohola eta beste drogak berriz hartzeko arrisku handiagoa dute.
- Depresioa edo beste nahastura mentaletan berriz erortzeko arrisku
handiagoa dute.
- Ospitaleratze psikiatrikoaren maiztasun handiagoa dute.
Inplikazio guzti hauez gain, substantziak neurriz kanpo hartzeak nahaste
psikiatriko berri bat eragin dezake.
Aipatu dugun horrek ondorio batera eraman gaitu: oinarrizko gaixotasun
mentalaren pronostikoak nabarmen egiten duela okerrera, eta pertsonaren eta
gaixotasunaren narriadura indartzen duela.